UK-ah Pakistan leh Afghanistan aiawhte inbia

Pakistan leh Afghanistan chuan an inkar boruak siamṭhat dan ngaihtuahin Nilaini khan London-ah high-level inbikna an nei.

Afghanistan ambassador Omar Zakhilwal chuan inbiakna hi Britain sorkarin a huaihawt a nih thu sawiin, firfiakte beih letna kawnga Pakistan -Afghanistan thawhdun dan tur te, tuna ram pahnihte inkara harsatna awmte chinfel dan leh, ramri khar a nih ṭhin chungchangte an ngaihtuah tih a sawi.

Thla hmasa khan firfiakten Pakis­tan-ah bomb an tipuak a, pawikhawihtute hi Pakistan firfiak pawl ni mah se, ramri bul Afghanistan ram china inkhuarte an ni. Pakistan hian February 13 khan security thil avangin Aghanistan nen an inkalpawhna pui ber chu a khar a, ramri chhehvela firfiakte chet dan thlithlai pui turin Afghanistan sorkar chu a phut a ni.

Pakistan leh Afghanistan inkar boruak ṭha lo siam ṭha tur hian Kabul-a British ambassador chuan hma a la a, Pakistan ramah pawh zinin Pakistan hruaitute a lo kawm tawh a ni.