Thailand-ah dollar mtd 5 man samak ki man

Thailand custom-te chuan Thawhlehni khan samak ki 21 an man a, an thil man hlut zawng hi dollar maktaduai 5 vel a tling a, hun rei tak chhunga ṭum khata samak ki an man tum ber ṭum a ni.

Thailand hi Asia rama danin a khap thil tawlhruk tumte kalka ber a ni. Samak ki an man hi kg 50 dawn a tling a, hemi hma hian sai ngho kg 300 dawn an lo man tawh bawk.

Samaki ki an mante hi Ethiopia aṭanga Thailand rama bungrua an thawn zingah hmuh a ni a, heng bungrua lo lamtu tur Thailand hmeichhe pahnih, Vietnam leh Cambodia aṭanga kalte chu enfiah an nih dawnin an tlanchhe hman niin police-te chuan an sawi.

International Rhino Foundation chuan kum zabi 20 tir lamah samak 500,000 vel awm chu an kiam nasa tawh hle a, tunah hian ramhnuaiah samak hi 29,000 vel chauh an awm tawh niin a sawi. Africa khawmualpuiah khawvela samak la awm zinga 80% chu an awm a ni.