President Trump-a chanchin dik lo thehdarhtu suspend

US President Donald Trump-a chanchin dik lo an tihchhuah avangin, Tanzania public broadcaster TBC chuan staff pakua-te chu a suspend.

Kar hmasa khan TBC-ah hian Trump-a’n Tanzania President John Magufuli hnathawh chu a fak hle niin puanzar a ni a, Magufuli chu ‘African hero’ tia sawiin, Africa ram dang hruaitute chu engmah ti lo ang leh, Magufuli hnathawhte chu entawn turin a sawi nia tarlan a ni. Mahse Trump-a chungchang an tihchhuah hi a hnuah thu dik lo a nih thu hriat a ni leh a, hei vang hian TV-a tihchhuah a nihna kawnga mawhphurtu mi pakua-te chu hrem an ni.

TBC Director General Ayub Rioba chuan station chuan chanchin an tih­chhuah hmain a rintlak ngei em tih an finfiah tura ni, a ti. Dawt thu thehdarh chu thutak angin an lo chhuah a ni, a ti.