Pakistan-in thing ṭiak mtd 100 phun tum

Pakistan chuan kum nga chhungin ram chhung hmun hrang hrangah thing ṭiak maktaduai 100 phun a tum.

Khyber Pakhtunkhwa (KP) province-a rorellai, Imran Khan-a party Pakistan Tehreek-i-Insaf (PTI) kaihhruai sorkar chuan “Billion Tree Tsunami” a kalpui mek a, he project hnuaiah hian Pakistan-a ramngaw awm chu 2% a tihpun tum a ni. Pakistan ramngaw la awm zinga 40% chu Khyber Pakhtunkhwa (KP) province a awm a ni.

KP province-a sor­kar leh private nursery-te chuan district hrang hrangah ṭhing an tiṭiak mek a, thingkung chi hrang hrang ṭiakte an la lut. Provincial government chuan nursery hrang hranga ṭhing ṭiak 25,000 chin neite chu a leisak dawn a, a man pawh pek lawk a ni. Nursery tenau zawkte pawhin thing ṭiak an hralh aṭang hian thla khatah Rs 12,000 - 15,000 an la lut thei dawn a ni.

PTI project siam hi a lar chhoh em vangin Pakistan sorkar laipui pawhin hma a la ve nghal a, Prime Minister Nawaz Sharif-a kaihhruai sorkar chuan ‘Green Pakistan Programme’ siamin, he programme hnuaiah hian kum nga chhungin ram chhung hmun hrang hrangah thing ṭiak maktaduai 100 phun hman tum a ni.