NKorea mi pali lakah Interpol red notice tichhuak

Malaysia-in a ngen angin Interpol chuan Kim Jong-nam thahnaa inhnamhnawiha rinhlelh, North Korea mi pali-te lakah Red Notice a tichhhuak.

NKorea ram hotu, Kim Jong-un-a unaupa, Kim Jong-nam hi February 13 khan Kuala Lumpur International Airport-ah tur hlauhawm tak, VX nerve agent hmanga tihhlum a ni. Tur tattu hmeichhe pahnih, Indonesia leh Vietnam mite chu man niin, tualthah thubuai siamsak an ni.

Malaysia Police-te chuan Kim Jong-nam thahnaa inhnamhnawiha puh, NKorea mi pasarihte an zawng mek tih an sawi a, an zinga pali chu NKorea lamah an kir tawh nia an ngaih thu an sawi. Hei vang hian Interpol puihna hi an ngen ta a ni.