Bangladesh-a container depot kangah mi 35 thi

Bangladesh-a Chittagong-ah lawnga thih phurhte an chhawpna, shipping container depot-ah Inrinni zan khan kangmei a chhuak a, mi 35 an thi a, mi dang 450 velin hliam an tuar.

Sitakunda area-a depot-a kangmei chhuah chhan hi chemical reaction vang nia a lan thu police officer Nurul Alam chuan a sawi. Tualchhung media-te chuan thil puak na tak a thlen hnuah kangmei hi a chhuak niin an sawi.

Police offier chuan kangmei hi zan dar 9 velah chhuak ṭanin, zanlai velah thil puak na tak thawm hriat zui a ni tih a sawi thung. Hei hian kangmei hi a tidarh chak zual a ni.

Kangmei chhuahna, container depot hi kum 2011, May thla aṭang khan hman ṭan ni.