Queen Elizabeth-i’n Brexit bill pawmpui

Europrean Union aṭanga UK inlakhranna tur, Brexit Bill chu Britain parliament-in a pawm hnuah Queen Elizabeth chuan Ningani khan a hming ziah hnain, he bill hi law ah chantir a ni.

Law-a chantir a nih tak avangin, Britain Prime Minister Theresa May chuan EU aṭanga inlakhranna tur kalpui turin inbiakna pawh a nei ṭan thei tawh dawn a ni. Britain danpui hnuaiah chuan, dan siam thare chu law-a chantir a nih hmain Queen Elizabeth-in a remtihpui a, a hming a sign hnan zel a ngai a ni. PM May-i chuan EU aṭanga Britain chhuah tum chungchangah Wales, Scotland leh Northern Ireland-te nen lungrual taka hma an lak theih nan heng ramte hi tlawh thuai a tum bawk.