Pakistan PM-in Afghanistan ramri hawng turin thu pe

Pakistan Prime Minister Nawaz Sharif-a chuan thla khat chuang zet khar tawh, Afghanistan ramri chu hawng nghal turin thupek a tichhuak.

Pakistan ramah pawikhawihna ṭum eng emaw zat a thlen hnu leh, official-te’n heng pawikhawihna thlengte hi ramri, Afghanistan ram china biru firfiakte tih nia an puh hnuah, Afghanistan nena an inkalpawhna ramri-te hi an khar zui a ni. Ramri khar a nih vang hian Pakistan-ah Afghanistan mi eng emaw zat an tangkhang a, mahse heng mite hi an ram lama an kir theih nan March 9 leh 9 khan ramri hi hawn lailawk a ni a, a hnuah khar zui leh nghal a ni.

Ramri khar hian ramri kaltlanga sumdawnna pawh a nghawng hle a, sumdawngte chuan sum tam tak an hloh avangin ramri hawng tur hian sorkar pawh an lo nawr fo tawh a ni. Thawh-

ṭanni khan PM Sharif-a chuan thuchhuah siamin, Afghanistan ramri chu hawng nghal turin a hriat­tir. PM chuan Afghanistan rama firfiakte chuan Pakistan beih tumin rua­hmanna pawh an la siam reng a rin thu a sawi a, hemirual hian heng avang hian ram pahnih mipuiten an tawrh chu a duh lo tih a sawi.