Trump-a fanu-in White House-ah office nei

US President Donald Trump-a fanu, Ivanka Trump chuan White Hose-a West Wing-ah office a nei dawn a, mahse official title leh hlawh erawh a nei tel dawn lo.

Kum 35 mi, Ivanka Trump-i hna ber tur chu a pa, Donald Trump-a tana thurawn pek a ni dawn a, sorkar document pawimawhte pawh a enpui thei dawn nia sawi a ni. A pasal Jared Kushner chu Trump-a senior adviser atan dah a ni tawh bawk. 

Ivanka hi official title pek ni lo mah se, a pa thlan tlin a nih aṭang khan ram dang hruaitute nena meeting an neihnaah pawh a tel ve fo a, Canada Prime Minister Justin Trudeau leh German Chancellor Angela Merkel-te nena meeting an neihnaah pawh khan a tel ve a ni.