Karnataka CM hluiin BJP a zawm

Karnataka Chief Minister hlui, Congress party hruaitu SM Krishna chuan nimin khan BJP a zawm.

External Affairs minister hlui, SM Krishna hian kumin January 29 khan Congress party hi a lo chhuahsan tawh a ni. Kum 84 mi, Krishna hi March 15 khan BJP-ah lawmluh tura tih a ni a, mahse a farnu a thih avangin a hun hi an sawn leh a ni.

Krishna hian Congress party kaldan chu a mumal tawh lo a, hruaitu thar an mamawh leh mamawh lohah pawh an chian tawk tawh loh avangin a chhuahsan tih a sawi. Kum 1999-2004 chhung khan Karnatka CM a ni a, hemi hnu hian External Affairs Minister niin 2012 khan a bang a, state politics-ah a kir leh a ni. Maharashtra Governor hna pawh a lo thawk tawh bawk.