Trump-a’n healthcare bill thar thlawp turin phut

US President Donald Trump chuan Obamacare thlakna tur healthcare bill thar a duan chu thlawp turin Republican lawmaker-te a phut.

President Trump hian House of Representative tlawhin, Republican member-te a hmu a, healthcare bill thar an duan chu an thlawp lo a nih chuan politics lamah harsatna an tawk thei dawn niin a sawi. Republican member ṭhenkhat chuan Obamacare thlakna tur healthcare bill hi ala ṭha tawk lo niin an ngai a ni. He bill hi vawiin hian House of Representative-ah sawiho a ni ang.

Thawhlehni zana Republican Congressional Committee fundraiser neihnaah, Trump chuan America mipuite chuan House, Senate leh White House chu Republican kutah an dah a, an lakah beiseina sang tak an nei a ni, a ti. Vawiin-ah House-a healtcare bill sawiho leh vote lak tur chu an party leh America tana hun pawimawh tak a nih tur thu a sawi bawk.