Secret Service-in Trump-a venna atan dollar mtd 60 dil belh
US Secret Service chuan President Donald Trump leh a chhungte venhim hna thawhna turah kum thar atan dollar matkaduai 60 pek belh turin a ngen.
Pawisa dil belh zinga a zahve dawn, dollar maktaduai 26.8 chu President Trump-a chhungte leh New York-a a private in, Trump Tower venna atan hman a ni ang a, a bak dollar maktaduai 33 chu a zin veivahnaa venna atan hman a ni thung ang.
President Trump-a te chhung hi an rual a, an zinkual nasa hle bawk. First Lady Melanie Trump chu an fapa, Barron Trump-a zirna a laklawh avangin White House-ah a la insawn ve lo a, New York-a penthouse-ah hian nufa hian an la khawsa a ni. New York-a President a awm lai chuan a Trump Tower vennan hian police ten ni khatah dollar 300,000 vel an seng a, President tello a nupui leh fapa te chauh an awm chuan nikhata security tana sen hi dollar 127,000 - 145,000 ah a tlahniam thung.
President Trump hian lakluh a nih hnuah kartawp chawlh chu Florida-a a estate-ah a hmang ṭhin a, a fapate chu an sumdawnna thilah ram hrang hrangah an zin reng bawk. President fate an nih avangin Secret Service agent-ten an ven reng an ngai a ni.