Australia-in Syria raltlan 500 a hnar

Australia chuan kum khat kalta chhung khan Middle East aṭanga an ram luh tum mi 12,000 dilna a pawmsak laiin, Syria raltlan luh tum mi 500 a hnar.

Immigration and Border Protection minister Peter Dutton chuan Nilaini zana Britain Parliament bula pawikhawihna thleng aṭang chuan, Australia-in raltlan lak luh tur chung­chang fimkhur taka a lo kalpui chu a tihfuh zia a lang niin a sawi. Dutton chuan eptute thurawn anga an rama raltlan luh tum zawng zawngte rang taka lakluh ni ve se chuan nghawng ṭha lo a nei ngei dawn a ni, a ti.