Myanmar-in UN rawtna a hnawl

Myanmar sorkar chuan Rohingya Muslim-te chungah an ram sipaite rawng takin an che nia puhna United Nations-in chhui chian a rawtna chu a hnawl.

Myanmar sipaite hian Rohingya Muslim te hi pawngsualin an that a, an nghaisa nasa hle bawk nia sawi a ni. Hei vang hian UN Human Rights Council chuan sipaite chet dan hi chhui chian a rawt a ni. Mahse Myanmar Foreign Affairs Ministry chuan UN rawtna hi an hnawl tih sawiin, he thil hi buaina tihpunlunna mai tur zawk niin a sawi.

Nikum October thlaa helin police pakua an thah hnuah khan sipaite hian beihpui an thlak a, Rohingya mi sang tel chu Bangladesh ramah an tlanchhe tawh a ni. Myanmar aṭanga tlanchhiate hian UN investigator-te hnenah security force-te hi an laka rawng taka an chet thu sawiin, naute vihhlum, mi halhlum leh pawngsual te a thleng nasa hle tih an hrilh.

Myanmar sorkar chuan a sipaite chetdan nia sawi hi Vice President Myint Swe kaihhruaina hnuaiah a chhui mek a, mahse hei hi rights group leh UN chuan a pawmpui lo.