Bangladesh bomb puakah mi paruk an thi

Bangladesh-a Syhlet khuaah kar kalta Inrinni khan ṭum hnih bomb a puak a, mi paruk an ti a, mi dang 40 chuangin hliam an tuar. Thi zingah hian police official pahnih an tel.

Security force-te hian Suhlet-a Shibbari bialah firfiakte tawmna nia hriat in pakhat chu an hual a, mipuite chu pawn chhuak lo turin hrilh mah se mi 500 vel zetin chu security force-te chetla enin an pungkhawm a ni. Firfiak pakhat chuan mipui awm­khawmna hmunah hian grenade a vawm lut nia sawi a ni.

Sipaite hian Inrinni aṭang khan firfiak dapchhuak tumin ‘Operation Twilight’ hmingin beihpui an thlak a, Major General-in a ho a ni. Sipaite hi Bangladesh Police Special Weapons and Tactics (SWAT) unit, counter-terrorism unit leh anti-crime Rapid Action Battalion (RAB) ten an pui bawk.