London beituin thurualpui a nei lo
London-a Westminster Bridge-a pawikhawihna thlen a, mi pali tihlumtu firfiak Khalid Masood-a chuan thurualpui a nei lo niin police-te’n an sawi. Masood hi police-te’n an kaphlum ve nghal a ni.
Deputy assistant commissioner Neil Basu chuan, Masood-a chu amah chaua chetla a nih thu leh, pawikhawihna dang thlen tumna a neih hriat a ni lo tih a sawi a, eng vanga pawikhawihna chu thlen nge a ni tih an la hriatthiam loh thu a sawi bawk.
Masood-a hian mipui awmkhawmnate hmunah a car khalhin a su a, mi pathum an thi a, mi 50 chuangin hliam an tuar a ni. A hnuah Parliament building lam panin amah lo dangtu police officer Keith Palmer chu a vithlum leh a ni.
Basu-a chuan pawikhawihna thlen dan chu an chhui mek tih a sawiin, Masood-a hrechiang tute chu police-te hnenah a chanchin hrilh turin a ngen bawk.