Mexico tan-in chhunga buaina chhuakah mi pali thi

Mexico hmarlam, Nuevo Leon state tan-in Nilaini zan khan buaina a chhuak a, mi pai an thi a, mi dang 21-in hliam an tuar. Hliam tuar zingah hian prison guard pakhat a tel.

State sorkar chuan thuchhuah siamin, psychiatric leh medical block-ah buaina hi a chhuak niin a sawi a, psychiatric block-a tang mi 56-te chuan cell 200 leh furniture-te halin an zinga tamtak chu pharmacy-ah an lut a, damdawi-te an lachhuak a ni. 

Mi pali zinga pathum hi kang hlum nia sawi an ni. He tan-ina tang tlawhtute endikna turin, X-ray machine dah a ni a, hei hi ruihhlo leh khap thil dangte an keng lut tur venna atana tih a ni. Tangte chuan he khawl thar dah duh lohna hi tunkar tir khan an lo lantir tawh a ni.