President Trump-a khapna thupek siam dan chhunzawm

US President Donald Trump-an Muslim tamna ram paruk aṭanga an ram la luh tumte khapna thupek a siam chu court-in a dansak hnuah, Hawaii state-a federal judge chuan tiam chin awm loin dansak a nih thu a sawi.

President Trump-a khapna thupek siam hi Hawaii state chuan court-ah a thlen a, Nilaini zana Hawaii state leh US Department of Justice attorney-te thu a ngaihthlak hnuah Judget Derrick Watson chuan thu­tlukna hi a puang a ni.

March 6 khan President Trump chuan ni 90 chhung atan Muslim tamna ram paruk - Libya, Iran, Somalia, Sudan leh Yemen aṭanga US luh tumna khapna thupek leh, ni 120 chhung raltlan lakluh khapna thupek a siam a ni. President chuan he thupek a siam chhan hi an rama firfiak lut tur venna atana ti a nih thu a sawi. Mahse Hawaii state chuan he khapna thupek hian tourism sector lam a nghawng dawn a, hei bakah hian zirlai leh hnathawk tura luh tumte thlengin a nghawng dawn niin a sawi a ni.