Trump-an ruihhlo vanga buaina zirchiang tur commission din
US President Donald Trump chuan an rama ruihhlo hmansual avanga buaina leh harsatna hrang hrang awmte zirchiang a, a chinfel dan kawng ngaihtuah turin commission din a nih thu a sawi.
Trump chuan an ramah heroin leh ruihhlo dang ngawlvei vanga thi an pung zel chu thil pawi tak leh, an ramin harsatna a tawh mek lian ber a ni tiin a sawi. Ruihhlo ngawlvei mekte chu ṭanpui a, chhanchhuah an duh tih a sawi.
US Centres for Disease Control-in report a tihchhuahah, ruihhlo overdose vanga thi hi an pung nasa hle. Kum 2010 khan US-ah hian drug overdose vanga thi chhinchhiah chu mi 38,000 an ni a, kum 2015-ah chuan mi 52,000 an tling a, heng zinga hmun lia ṭhena hmun khat chu heroin vanga thi an ni.