Venezuela court-in National Assembly thuneihna laksak

Venezuela Supreme Court chuan eptu lam chakna, National Assembly thuneihna chu a laksak.

Court chuan assembly chuan a nih tur anga hna thawk thei loa puhin, mumal taka hnathawk leh thei turin a siam dawn niin a sawi. Mahse eptu lam chuan na takin an sawisel a, an ram democracy palzutna lian tak niin an sawi. Eptu pawl, Organisation of American States hotu Luis Almagro chuan President Nicolas Maduro kaihhruai sorkar chuan sokar thuneihna ngei a paihthla nia a ngaih thu a sawi. President Maduro chu dictator ang maia a chet tawh thu an sawi.

Latin America ram hrang hrangte chuan Venezuela court thiltih dan chu an sawisel a, Brazil foreign minsitry chuan court thutlukna siam chuan Venezuela sorkara thuneihna insem dan a palzut sak niin a sawi. Peru pawhin an ambassador ko let nghalin, Venezuela-ah chuan democracy palzutna nasa tak a thleng mek a ni, a ti. US pawhin Venezuela sorkar a dem thu a sawi bawk.