Kristian mante ngaihdam an nih nan Islam zawm turin ti

Pakistan Pakistani deputy district public prosecutor (DDPP), Syed Anees Shah chuan kum 2015 tualchhung buaina thleng ṭuma Muslim mi pahnih thahnaa inhnamhnawiha puh, Kristian eng emaw zat chu an thubuai neih mekah ngaihdam an nih theih nan Islam sakhuaa inlet turin a thlem.

Kum 2015-a Pakistan rama Lahore bula biak in pa­hniha mass neih laia thihchilh bomb tihpuah a nih vangin tualchhung a chhuak a, bomb tihpuahna inhnamhnawiha puh muslim pahnih tihhlum an ni. He thil thleng vang hian Kristian 42 chu thubuai siamsak an ni.

Kristian mante tana dilsaktu, rights activist Joseph Franci chuan DDPP Syed Anees Shah hian thubuai nei mekte chu Kristian aṭanga Islam sakhuaa an inleh chuan, ngaihdam an nih tur thu a hrilh niin a sawi.

Advocate Naseeb Anjum chuan Shah hian hemi hma pawh hian tang dangte pawh Islam sakhuaa hi inlet turin a lo thlem tawh a, mahse an lo hnar niin a sawi. Shah chuan an puhna hi thudik lo niin sawi a, mahse thlemte hian an puhna finfihna tur video recording pawh a nei vek niin an sawi thung. Hemi hnu hian Shah chuan inlet turin a nawr lui lo a, duhthlan tur a siamsak mai niin a sawi leh thung a ni.