Mexico lirnghing-ah mi 6 an thi

Mexico chhim lama Oaxaca state-ah an ram huna Thawhlehni zing dar 10:29 khan magnitude 7.5-a nain lir a nghing a,  lirnghingin chhiatna a thlenah mi paruk an thi tih National Civil Protection Coordination (NCPC) chuan a tarlang.

Lirnghing in ṭanna (epicentre) hi Oaxaca state chhim lam, Pacific Coast village-a La Crucecita aṭanga kilometre 23 a thuk a nih thu National Seismological Service (SSN) chuan a tarlang. 

A hnua nghing nawn leh, aftershock vawi 447 chuang a thleng  a, hei vang hian in leh lo a chhe hnem hle a ni.

Thi zingah hian lir­nghingin in a tihchhiat avanga a delh hlum tak te pawh an awm a, he lirnghing vang hian kawng a khi a, bazar, school, biakin leh damdawi-in pali chu a khik bakah hmun hrang hrangah in a khi nual bawk a ni. 

Lirnghing avang hian tsunami a rawn thlen palh venthawn thilah Oaxaca tuipui kama awmte chu inthiar chhuak turin Mexico seismological service chuan a hriattir nghal bawk.