SKorea, Japan leh US navy-te’n nunchan zir

South Korea, Japan leh US navy-te chuan nimin aṭang khan nunchan an zir ho a, ni thum chhung a awh ang.

Joint naval exercise hi South Korea chhim lam tuipuiah neih a ni a, naval destroyer leh helicopter-te an hmang a ni. Sipaite nunchan zirho hi North Korea-in tuihnuai lawng aṭanga a beih thut palha lo inven dan leh beih let dan tur zirna atana tih a ni a, ram pathumte thawhhona ṭhatzia lantirna a nih thu SKorea defence ministry chuan a sawi bawk. North Korea-in ballistic missile a enchhin fo avangin a ṭhenawm ramte nen an inkar boruak pawh a ṭha lo hle a, report ṭhenkhat chuan NKorea hian atomic ralthuam pawh enchhin leh thuai a tum niin an tarlang.

February thla khan NKorea hian a ram khawchhak lam tuipuiah ballistic missile pali a kapchhuak a, heng zinga pathum chu Japan ram hnaih takah a tla a ni. Nikum August thla khan SLBM 500 kilometre chu Japan lam hawia kapchhuakin, hlawhtling takin a lo enchhin tawh bawk.