US-in UN Population Fund sum pek titawp
US chuan United Nations Population Fund (UNFPA) tana sum a pek ṭhin chu a titawp.
UNFPA hian ram 150 chuangah family planning bakah maternal leh child health service a kalpui mek a ni. State department chuan kum 2017 atanga a sum pek tur, dollar maktaduai 32.5 chu a hrensak tih sawiin, hei hi UNPFA-in nau tihtlak leh chi thlah thei loa insiamna programme a thlawp vang niin a sawi.
UNPFA-in ram hrang hranga hma a laknaah hian US hi sum thawhtu lian ber a ni a, US-in a sum pek tur a tihtawp hian pawl hmalakna pawh a nghawng thui hle rin a ni.
US Presidnt Donald Trump chuan January thla khan Mexico City Policy tia sawi chu a dah thar leh a, he dan hmang hian international organisation zinga nau tihtlak thlawptu leh, nau tihtlak chungchang information pe chhuak ṭhinte tana ṭanpui sum pek ṭhinte chu hrensak an ni.
State department chuan UNFPA tana sum a pek ṭhin hi family planning, maternal leh reproductice health hna thawhna turin US Agency for International Development (USAID) hnenah pek zawk a ni dawn tih a sawi.