Queen Elizabeth lal champha 70-na pualin Britain mipuiten thing phun runpui nei dawn

Britain mipuite chuan an ram lal, Queen Elizabeth II lal champha vawi 70 pualin ram pumah thing phun runpui an nei dawn. 

Kum 94  mi, Queen Elizabeth II hi nakkum February 6 hian lalṭhutthleng a luah champha vawi 70-na a tling dawn a, Britain ram lal ni rei thei ber a ni. 

Thing phun runpui neih tur hi "The Queen's Green Canopy" project tih a ni dawn a, tualchhung mi, school, council leh ram neitute chu a tam thei ang ber thing phun tura sawm a ni ang. 

Prime miniter Boris Johnson chuan hripui leng leh hriselna dinhmun tlahniam zel te chuan leilung humhalh leh thingkung tam zawk phun a pawimawh zia mipuite a hriat nawn tir leh a ni tiin, thingkungte chuan khawvel sik leh sa inthlak danglam chak lutuk siamṭha tura an beihna kawngah nasa takin a pui dawn a ni, a ti. 

Charities Cood Earth leh The Woodland Trust chuan thing phun chu an lalnu tana thilpek hlu tak a ni dawn a ni tiin, Queen Elizabeth hian a lal chhung hian a zinna ram hrang hrangah thing ṭiak 1,500 chuang a phun tawh tih an sawi.