St Petersburg-a bomb tipuaktu Kyrgyztan mi

Russia-a St Petersburg leihnuai rel-a bomb tipuaktu chu Kyrgyzstan mi, kum 22-a upa Akbarzhon Jalilov a nih thu Russian leh Kyrgyz investigator-te chuan an sawi. Metro system-a bomb tihpuah vang hian mi 14 an thi a ni.

Ram pahnihte chuan bomb tipuaktu hian a thihchilh nge, amah hi a tlanchhuak hman tih an sawichiang lo a, mahse bomb paina bag, station-a dah chu Jalilov-a bag ngei a ni tih an sawi. St Petersburg-a bomb puak hi eng pawl mahin an tih niin an la chhal lo a, thuneitute chuan he pawikhawihna thleng hi Islami firfiak pawl nen inzawmna nei niin an ngai a ni.

Jalilov hian thurualpui dang emaw, firifak pawl zawmpui emaw a nei em hriatchian a la ni lo. Kum 1995 khan Kyrgyzstan ramah piangin, kum 2011-ah a nu leh pa nen Russia-ah an pem a, mahse a hnuah a nu leh pate hi Kyrgyzstan lamah an kir leh a, ani chu Russia-ah hian hna thawkin a awm zui a ni.