US-Mexico ramri paltlang tum man zat tlahniam

March thlaa dan loa Mexico ramri kaltlanga US-a luh tum man zat chu kum 17 chhunga a hniam ber ṭum a ni.

US Customs and Border Protection chuan March thla chhung khan document nei loa ramri paltlang tum man zat chu mi 12,5000 vel an ni tih sawiin, hei hi kum 2000 hnu lamah thla khat chhung mi man an tlem ber ṭum a ni, a ti. Nikum December thlaa ramri kan tum an man chu mi 43,000 an tling.

Homeland Security Secretary John Kelly chuan Congress hnenah dan loa ramri kan tum tlahniam ta chu tihpalh thila thleng ni loin, President Donald Trump-a hnathawh rah a nih thu a sawi.

President Trump hian Mexico aṭanga dan loa an ram lutte danna turin Mexico nena an inri-naah bang siam a tum thu a lo sawi tawh a, hemi atana design proposal thehluh theih hun chu Thawhlehni khan a tawp a ni. Ramri bang hunna siamna tur senso atan hianTrump-a kaihhruai sorkar chuan dollar tluklehdingawn hnih chuang a dil a, hei hi kumin chhungin Congress chuan a la pawmsak hman rin a ni lo. Mahse Homeland Security chuan hna thawh ṭanna tur sum chu a nei nia sawi a ni.