St Petersburg-a pawikhawihna thlenga rinhlelh mi paruk man
Russia rama St.Petersburg leihnuai rel-a bomb tihpuahnaah inhnamhnawiha rinhlehlh mi paruk man ani a, heng mite hi central Asian mi an ni.
Russian Investigative Committee chuan mi paruk an mante chuan kum 2015 November thla aṭang khan Central Asia mite chu firfiak pawl, Nusra Front leh Islamic State pawla tel turin an la ṭhin niin a sawi. Hei bakah hian helpawl danga tel tur pawhin mi an lak ṭhin thu a sawi.
An mi mante chenna aṭang hian investigator-te Islam firfiakte lehkha bu leh document te an man tel a ni.
Thawhṭanni-a St.Petersburg leihnuai rel-a bomb puak vang khan mi 14 an thi a, mi dang eng emaw zatin hliam an tuar. Investigator-te chuan bomb tipuaktu hi Kyrgyzstan mi niin an sawi a, mi paruk an mante hi bomb tipuaktu nen hian inzawmna an nei em tih chhui mek a ni bawk.