Serbia president duh lohna lantir chhunzawm

Serbia Prime Minister Aleksandar Vucic chu an ram president thar atan thlan a ni a, hei hi duh loin mi tam takin a zawnin ni thum chhung lungawi lohna an lantir tawh a, an zinga a tam ber chu ṭhalai an ni.

Pathianni-a president thlanah Vucic hian vote 55% hmuin a tling a, May thla tawp lamah president thar atan hian lakluh a ni ang.

Mahse nawrh huaiawtte chuan inthlan neih danah hian thil fel tawk lo a awm nia sawiin lungawi lohna an lantir a, PM nilai Vucic chu dicatator nia sawiin, a rorelna titawp tawh tura an duh thu an sawi. Nawrh huaihawt dawn hian social media kaltlanga inhriattir an ni a, a huaihawttu ber hriatchian a ni lo a, sorkar official lam chuan eptu pawlte thiltih niin an puh.

Mipui pungkhawmte chuan Vucic chu inluling lutukah an puh a, rorellai Serbian Progressive Party chu eiruknaa inrawlh nasaah an puh bawk. Inthlan result chu an pawm loh thu an sawi bawk.

Hetih lai hian Vucic chuan mi tupawhin an lung­awi lohna lantir turin dikna an nei a, mahse an lungawi lohna an lantir a nih pawh­in boruak muanawm tak hnuai­ah an kalpui tur a ni, a ti.