Trump Impeachment Senate-ah Trump-a'n thiam a chang
Impeachment trial hmachhawntu United States president Donald Trump chuan Nilaini khan Senate-ah thiam a chang a, impeachment article pahnihah thiam a chang ve ve a ni.
An ram huna Nilaini tlai dar 4-ah khan Trump puhna article pahnihah hian vote lak a ni a, vote chhiar a nih hnuah Senate inkhawm kaihruaitu Supreme Court Chief Justice John Roberts chuan Trump vote hmuhdan hi puangchhuakin, thiam loh chantirna tura vote ngai zat a hmuh loh thu hi a puang. Senate hian America President 45-na hi a office aṭangin a paihchhuak ta lo a ni.
Vote hmuh dan
Trump an puhna pakhat zawk, 'thuneihna hmang sual' a puhnaah hian thiam loh chantir duh lamah vote 48 tlain, thiam chantir duh lamah vote 53 a tla thung.
An puhna pahnihna, 'Congress thuneihna dal' a puhnaah hian thuam loh chantir duh lamah vote 47 a tlak laiin thiam chantir duh lamah vote 53 tho a tla ani.
Trump Impeachment trial kalh zawng hian Democrats lamah vote thlak an awm lo a, hetih lai hian 'thuneihna hmang sual' a puh a nih chungchanga vote lakah hian Utah Republican senate Mitt Romney chuan a party member puite duhdan kalhin, thiam loh chantir duh lamah vote a thlak thung.
Thuneihna hmang suala puhnaah
Thlawp lamah Thlawp lo lamah
48 53
Congress thuneihan dala puhnaah
Thlawp lamah Thlawp lo lamah
47 53
Rin lawk angin thil a thleng
Donald Trump hian Senate-ah hian fiahna a paltlang hi mi tam tak rindan a ni sa reng a ni. Thiam loh chang tur hi chuan Senate vote hmun thuma ṭhena hmun hnih a hmuh a ngai a, vote 67 tal a tlin a ngai.
Hetihlai hian Senate hi Republican tam zawkna hmun a ni a, 53 an awm laiin Democrats hi 45 an awm thung. Independent pahnih an awm bawk. Hemi a nih avang hian Impeachment-in House of Representatives a paltlang hnu pawh khan Trump hi a thla a muang hle a, House-a a chungchanga vote an lak lai pawh khan Battle Creek, Michigan-ah campaign rally-ah thu a sawi daih a ni.
Impeachment leh a chhehvel
8 Nikum December 18 khan House of Representatives-ah impeachment article pahnih hi an pawm.
8 Kumin November 3-a President thlanna neih leh turah Trump hian din leh a tum.
8 President impeach tawh zinga inthlan awm leh tura din leh tum hmasa ber
a ni.