US-ah China President a zin

China President Xi Jinping chu Ningani khan ni hnih cham turin US-ah a zin.

President Xi Jinping hi a nupui Peng Liyuan leh mi pawimawh eng emaw zatin an ṭawiawm a, Ningani chawhnu lam khan Florida-a Palm Beach International Airport thlengi, US Secretary of State Rex Tillerson leh a nupuiin an lo hmuak a ni.

US President Donald Trump-a chuan Ningani tlai khan Florida-a Trump-a private resort, Mar-a-Lago ah China President lawmna inkhawm hi a buatsaih a, nimin khan hruaitu pahnihte hian meeting an nei nghal a ni. Ram pahnih hruaitute hian investment, infrasturcture leh energy lama thawhdunna zau zawk neih dan tur an sawidun dawn a, North Korea chungchang pawh an sawi rin a ni bawk.

Xi chuan Trump hi China rama zin turin a sawm nghal a, a sawmna hi Trump hian lo pawm a, a hma thei ang bera zin a duh thu pawh a hrilh niin China official-te chuan an sawi. China hi US tra­ding partner lian ber a ni a, ram pahnihte insumdawn tawnna hi nikum khan dollar tluklehdingawn 519.6 hu a tling a ni.