Uruguay-ah cannabis zuar chhuak dawn

Uruguay chuan July thla aṭang hian damdawi dawrah cannabis (Marijuana) a zawrh tir ṭan dawn ta.

South America-a Uruguay hi khawvel­a damdawi anga cannabis hralh chhuah phalsak hmasa ber a ni dawn a ni. Kum 2013 khan cannabis hmanga sumdawn phalna dan hi siam a ni tawh a, mahse a taka hmanna tura hmalakna hi an kal chak pui thei lo a ni.

President thupuangtu Juan Andres Robalo chuan July thla aṭangin damdawi dawrah cannabis hi zawrh chhuah ṭan a ni dawn tih a sawi a, mahse a lei turte chu national registry an tih a ngai dawn a, May 2 aṭangin inziahluh ṭan theih a ni ang. Cannabis hi gram khat dollar 1.30-a zawrh a ni ang. Uruguay citizen emaw permanent resident emaw chuan thla khatah gram 40 chin an lei thei ang. Sorkar chaun cannabis zawrh phalna hi dawr 16 hnenah a pe tawh a,dawr dangpawh pek belh a la tum.