France inthlanah Macron-a'n majority nei pha lo

France president Emmanuel Macron chuan Pathiannia Parliament inthlan neih zawh takah National Assembly-ah majority a nei pha lo a, party dangte nen thawhhona a siam thei lo a nih chuan rorel thei loin a awm thei dawn a ni.

Macron-a centrist Ensemble coalition chuan Parliament-ah hian seat la hnem ber mah se, majority an nei pha lo. Hei hian retirement age tisang tur leh EU-a insawhnghetna tur siam chungchanga hma an lak tumna thlengin a nghawng thei dawn a ni. Left-wing ṭangrual pawl chu eptu pawl lian ber an ni ang.

Hetianga President-in Parliament inthlana majority a neih phak loh hi France ramah hian a thleng zen zen lo a, a thlen hnuhnun ber chu kum 1988 kha a ni.

France sorkar hmalam hun hi a chiang lo ta hle a, eng angin nge an kalpui zel dawn tih hriat a ni lo. President Macron hian party dang thawhpui tura inremna an siam thei lo a nih chuan inthlan ṭhat nei tur pawhin a ti maithei nia sawi a ni.