Ukraine-in Russia rimawi ṭhenkhat tihrik khap dawn

Ukraine Parliament chuan media leh vantlang hmunah Russian rimawi tihrik ṭhenkhat khapna dan siam a thlawp.

He khapna dan hian Russian hla phuah mi, Soviet Union kehchhiat hmaa thite leh kum 1991 hnu lama Russia khua leh tui nihna nei te'na an hla siam leh sak erawh a huam tel dawn lo a ni.

Russia leh Belarus aṭanga lehkhabu lakluh pawh he dan hnuaiah hian khap tel a ni ang.

Ukraine khawchhak leh chhim lama chengte chuan Russia nena inkungkaihna thuk tak an nei tawh a, inbiakpawhna atan pawhin Russia ṭawng an hmang ṭhin a ni. Mahse Russia-in Ukraine a run avang hian Ukraine mi tam takte chuan Russia culture laka inthiarfihlim an duh tawh thu an sawi.

Pathianni khan MP-te chuan he bill hi pawmin; TV, radio, school, public transport, hotel, restaurant, cinemas leh mipui punkhawmna hmuna Russia rimawi ṭhenkhat tum emaw tihchhuah emaw khap a ni. Ukraine Parliament-a deputy 450 zinga 303 chuan he bill hi an thlawp a ni.