Syria-a US-in beihpui a thlaknaah mi 15 thi

US kaihhruai ṭangrual ramte chuan ka rkalta Inrinni khan Syria hmarlama Raqqa province-ah beihpui an thlak a, beihpui thlaknaah hian civil mi 15 vel an thi a ni.

Syrian Observatory for Human Rights chuan beihpui thlaknaa thi zingah hian hmeichhe pakhat leh naupang pali an tel niin an sawi. US kaihhruai ṭangrual ramten firfiakte laka beihpui an thlaknaah hian civil mi tam tak an lo thi tawh nia sawi a ni. Thla hmasa khan ṭangrual ramte hian Syria tualchhung indona thleng avanga in leh lo chante awmna, Mansura khuaa school pakhat beiin mi 33 an thi nia tarlan a ni tawh bawk.