Egypt-a biak-inah bomb tipuak

Egypt hmarlam, Tanta-a St George (Mar Girgis) Coptic Church-ah nimina Palm Sunday puala inkhawm buatsaih laiin bomb a puak a,mi 21 vel an thi nia hriat a ni.

State television chuan bomb puakah hian mi 21 an thih bakah, mi dang 50 velin hliam an tuar niin a sawi. Bomb hi biak-in chhunga ṭhutna hnuaiah dah a ni.

Nimina bomb puak hi eng pawl mahin an tih niin an chhal lo. Kum 2011-a Egypt president aṭanga Hosni Mubarak-a paihthlak a nih hnu khan Egypt-a Coptic Kristian-te hian enhran leh beih an tawk fo a ni. Nikum December thla khan Cairo-ah Coptic Church chu beih a lo ni tawh a, mi 25 an thi.

Egypt rama Coptic Kristian hi an ram mipui maktaduai 91 zingah 10% vel an tling a ni. Pope Francis chuan tun thla chhungin Cairo tlawhin, sakhaw hrang hrang hruaitute hmuh a tum a, Coptic Orthodox Church hotu lu ber pawh hmuh a tum a ni.