Navy Seal-te'n Osama lu an vuahkhawm

Al-Qaida hotu hlui Osama bin Laden-a kaphlumtu nia insawi, US Navy Seal hlui Robert O'Neill chuan al-Qaida hotu an kah ṭum khan a lu an kahchhiat nasat avangin amah ngei a ni tih finfiah nan a lu vuahkhawm leh a ngai hial niin a sawi.

Kum 2011, May 2-a Abbottabad, Pakistan-a al-Qaia hotu in an beih chungchang sawiin, Robert O'Neill chuan a silai mu pathumin Osama hi a kahfuh thu a sawi. O'Neil hian Navy Seal dang paruk te nena Osama bin Laden-a in chhung an beih dan hi a lehkhabuah a ziak a ni. In chhawng hnihnaa Osama-a fapa Khalid an kahhlum hnuah room dangah insemdarhin, Osama bin Laden chu a nupui pali zinga a naupang ber hnungah a lo awm a, hmeichhe dar chunglam chu a silai chuan tinin Bin Laden-a lu chu a kap phel niin a sawi. Hemi hnu hian team member dangte chu room-ah chuan an rawn thlen thu a sawi bawk.