Britain-in Syria mite ṭanpuina pe dawn

Britain sorkar chuan Syria rama chemical ral­thuam hmanga beih tawkte enkawl leh chhawmdawl hna thawhna atan ṭan­puina, pound maktaduai 7 hu a pe dawn.

Britain International Development Secretary Priti Patel chuan ṭanpuina hi medical team tan an pe dawn tih sawiin, healh worker-te'n damdawi hmanga enkawlna ṭha zawk pe a, damdawi mamawh angte an pek a, medical emergency atana an inbuatsaihna atana pek a ni dawh tih a sawi.

Department of Interna­tional Development thu­puangtu chuan ṭanpuina pek tur hmang hian World Health Organisation (WHO) chuan chemical bomb thlak vanga tuarte enkawlna tur chu rang zawkin a pe thei dawn niin a sawi. Nikum chhung khan Syria rama WHO hnathawh ṭanpuina tur hian Britain chuan pound maktaduai 10.7 a lo pe tawh bawk a ni.