Baghdad bulah thihchilh bomb pai mi pahnih that

Iraq sipaite chuan Pathianni khan thu­chhuah an siamah an ram khawpui Bagh­dah bula Islamic State (IS) tawmbuk chu US kaih­hruai ṭangrual pawl nen ṭangrualin thlawhtheihna hmangin an bei tih sawiin, hetah hian IS thihchilh bomb pai panga leh security member pahnih an thi tih an sawi. 

Iraqi Joint Operations Command (JOC) chuan an thudawn bawhzuiin helai hmunah hian beih­pui an thlak tih an puang a, thuchiang erawh an tarlang lo thung. An ram sipaite beih­pui thlakna hi ṭangrual pawl lam hian drone hmangin an pui ve bawk a, pali chu an kutah a thih laiin pakhat chuan a thihchilh bomb pai a tipuak a, hemi vang hian sipai pahnih chu an thih phah a ni.