Kum 2016 chhungin China-in mi tang tihlum hnem ber

Human rights organisation, Amnestry International-in nimina report a tihchhuahah, kum 2016 chhung khan China ramah tang tihhlum an tam ber a, ram dang zawng zawngin an tihhlum belhkhawm aiin a tam zawk a ni.

Kum 2016 chhung khan China telloin khawvel ram hrang hrangten thi tura thiam loh chantir tawh an tihhlum chu mi 1,032 an ni a, hei hi a kum hmasa 2015 aiin 37% in an tlem a ni. Nikuma tang tihhlum zinga mi 87 chu ram pali - Iran, Saudi Arabia, Iraq leh Pakistan-a tihhlum an ni.

Amnesty report chuan China sorkarin thi tura an chungthu a relsak tam zawk chu court public database-ah tihlan a ni lo, hei hi an rama mi tihhlum an nih zat zep a tum vang niin a sawi. China-a rorel lai Communist Party chuan mi tihhlum zat chu sorkar thuruk a nih thu a sawi.

Media report chuan kum 2014-2016 chhung khan China hian thi tura hremna a pek zinga mi 931 vel a tihlum niin an sawi a, mahse sorkarin online database-a tihlanah chuan mi 85 chiah tihhlum angin tarlan a ni thung.

Kum 2016 chhunga US-in mi tang a tihlum zat chu mi 20 an ni a, kum 1991 hnu lama a tihhlum tlem ber ṭum a ni.

UN member ram 193 zinga 172 (89%) chu thi tura hremna pek lohna ram a ni. Kum 2016 chhung khan ram 55-ah thi tura hremna pek hi mi 3,117 an awm a, 2015-ah mi 1,989 leh 2014 ah mi 2,446 chu he hremna hi pek an ni.