US-in Syria thlawhtheihna kahchhiatsak
US chuan kar hmasaa Syria airbase an beihnaah khan Syria thlawhtheihna hman mek zinga 20% an kapchhe tel niin a sawi.
Pentagon hotu James Mattis chuan thuchhuah siamin, Syria sorkarin a mite ngei chemical ralthuam hmanga a beih avanga US-in a beihletnaah hian fuel leh ammunition site-te tihchhiat a nih thu a sawi a, Syria sorkar chuan Shayrat airfield chu re-fuel-na atan a hmang chhunzawm thei lo tih a sawi.
US Central Command thupuangtu Colonel John Thomas chuan, US beihpui thlaknaahhian Syrian thlawhtheihna 20 chuang kah chhiat a nih thu a sawi bawk a, Syria chu chemical ralthuam hmang nawn tawh lo tura zirtir a nih tur thu a sawi. White House Sean Spicer thupuangtu chuan tur hlauhawm tak hmanga pawisawilote bomb an nih leh chuan president chuan a chhang let nghal dawn tih a sawi.
Kar kalta Zirtawpni khan US hian Tomahawk missile hmangin Syria airbase hi a bei a ni.
Hetih lai hian Syria ram thlawptu, Russia chuan US beihpui thlaknaah hian MiG-23 chuah a chhia a, chenna in eng emaw zat a chhe tel niin a sawi a, US-in Tomahawk missile 59-in Shyarat airbase a bei niin sawi mah se, Russia chuan missile 23 chauhin an tum an fuh niin a sawi a ni.