US Supreme Court member atan Neil Gorsuch la lut

Neil Gorsuch chu US Supreme Court justice thar atan lakluh a ni. Lakluh inkhawm hi White House-a Rose Garden-ah neih a ni.

President Donald Trump chuan Senate-in Supreme Court member atana a rawt a pawmpui chu lawmawm a tih thu a sawi a, "Dan hremi Neil Gorsuch ang kan nei hi America mipuite an vannei takzet a ni", a ti. A hnathawhna kawngah Gorsuch chuan America ram danpui chauh venghim loin, America chhuan thar lo awm zel turte tan pawh thutlukna ṭha tak a siam zel a rin thu a sawi bawk.

Gorsuch pawhin Supreme Court member atana ruat a ni chu lawm­awm a tih thu sawiin, a theih tawka an ram danpui humhim tur te, an ram dan kengkawh turtein theih­tawp a chhuah dawn tih a sawi. Kum 2016 February thlaa Supreme Court Justice Antonin Scalia a thih hnua a post ruak, kum khat chuang zet hnawhkhah loa awm chu Neil Gorsuch hian a luah dawn a ni. President kalchhuak ta, Barack Obama khan Scalia post ruak hnawhkhat tur hian Merrick Garland a lo rawt tawh a, mahse a rawtna hi Republican thuneihna Congress chuan a hnawlsak a ni.