Nigeria road safety commander-in hmeichhe hnathawkte sam tansak

Nigeria road safety commander Andrew Kumapayi chuan an hnuaia thawk hmeichhe ṭhenkhat chu inkaihhruai dan siamte zawm loah puhin, an sam a tansak.

Federal Road Safety Corp (FRSC)-a thawk hmeichhiate chu an sam tan dan turah dan siam vek a ni a, mahse officer-in dan zawm loa puh hmeichhiate sam a tansakna hmun hi FRSC compound pawn lam nia sawi a ni.

Road Safety commander thiltih dan hi mi tam takin an sawisel a, President Muhammadu Buhari thawhpui hnai tak chuan he thil hi hmeichhiate hmusitna lantirna a ni, a ti.

Chhim lama Rivers State FRSC regional commander, Andrew Kumapayi chuan Thawhṭanni khan Port Harcourt-a parade naah hmeichhe samseite hi an sam a tansak a ni. FRSC inkaihhruaina danah chuan hmeichhiate chu an lukhuma bilhluh theih tur sam an pu tur a ni a ti a, sam zuah khap a nih erawh a sawilang tel lo. Mahse hnathawh laiin an sam chu an thlah tur a ni lo.