IS firfiak pawl hotu luman tipung

Islamic State (IS) firfiak pawl hotu, Amir Mohammed Abdul Rahman al-Mawli luman atana US-in US dollar maktaduai nga a phal chu Nilaini khan USD maktaduai 10-ah a tipung. 

Nikum October thlaa Syria rama US commando-ten beihpui an thlaknaah, IS hotu lu ber Abu Bakr al-Baghdadi an that a, hemi hnu hian Amir Mohammed Abdul Rahman al-Mawli chuan a aiwhtu atan dah a ni zui a ni.

Kum 1976-a piang, al-Mawli hi Islamic law scholar a ni a, Yazidi minority  ho tihhlumna tura thupek tichhuaktu nia sawi a ni. He thil thleng hi United Nations chuan insuatna tiin na takin a dem a ni. IS firfiakte hian Middle East-ah hmanlai sakhaw biak dan kalpuitu, Yazidis mi sang tel an that a, hmeichhiate chu salah an chhawr bawk. Al-Mawli hi Iraq-a Mosul khuaa Turk chhungkuaa piang a ni a, Arab ni lo zinga Islamic State group hruaitu ni thei mi tlemte zingah a tel a ni.