Mexico-a tanker insu vanga thi 24 tling tawh

Mexico chhim lama Petacalco highway-ah Ningani khan gas phur tanker truck leh passenger phur bus an insu a, tanker hi puakin nasa takin a kang zui a ni. He chetsualna thleng vanga thi hi nimin thleng khan mi 24 an tling tawh niin official-te’n an sawi.

Chetsualna thlen hun zinglam dar 6.30 vel a ni a, an insutna hmun Century 21 Highway chu darkar eng emaw zat khar a ni. He kawngpui hi central Mexico leh Lazaro Cardenas, Michoacan-a industrial port inkalpawhna kawng pawimawh tak a ni.

Motor insu-ah hian driver panhnihte chu an thi ve ve a, midang pakua chuan hliam na tak an tuar bawk. Motor insut chhan hi chhui chian mek a nih thu Guerrero secretary of civil protection Cesar Mayeres chuan a sawi.