UK-ah Covid-19 vaccine mihringah enchhin mek

United Kingdom (UK)-ah Oxford University-a mi­thiamten an siam Covid-19 vaccine chu mihring­ah enchhinna neih mek a ni.

Hei bakah hian kar leh aṭangin mihring 300 velah Covid-19 vaccine enchhinna neih ṭan a ni dawn bawk. He hmalakna kalpuitute hi Imperial College London-a thawk Faculty of Medicine (mucosal infection and immunity) professor Robin Shattock leh a thawhpuite an ni a, ransa  enchhinna neih a nih hnuah mihringah hian enchhinna neih leh tum a ni.

Imperial College-ah hian mihringah enchhinna neih ṭan a ni dawn a, kum 39 mi Kathy chu volunteer hmasa ber a ni. Kathy chuan enchhin neihna atana a inpek chhan chu Covid-19 dona kawnga ke a pen ve duh vang a nih thu a sawi. Imperial College-ah hian October thlaah mi 6,000 velah enchhinna neih tum leh a ni a, nakkum kum tir lamah chuan vaccine hi UK-ah peihfel hman an rin thu Imperial College-a thuneitute chuan an sawi.

Covid-19 vaccine hi khawvel hmun hrang hrang 120 velah enchhinna neih mek a ni a, damdawi hi hmuhchhuah la ni lo mah se, beiseina nen kumin kum tawp lamah emaw nakkum kum tir lamah chuan en­chhinna hi an zawh hman an inring deuh vek a ni.