Trump-a chhiah pek zat tarlan phutin kawngzawh

US President Donald Trump-a dodaltute chuan a chhiah pek zat dik tak tarlang tura phutin khawpui hmun hrang hrangah kar kalta Inrinni khan kawng an zawh.

President Trump-a hian hun rei tak lo kalpui tawh, presidential campaign laia an chhiah pekna lehkha tlangzarh ṭhin chu a ti ve duh lo a ni. Hei vang hian sawiseltu tam tak chuan thil fel tawk lo a awm nia ngaiin tlangzarh ngei turin an phut.

Hetihlai hian president-te hi an chhiah pek dan tlangzarh ngei tura phutna dan a awm lo a, mahse mi tam takin Trump-a hi a chhiah pekna tlangzarh turin an phut a, thla hmasa khan kum 2005-a chhiah a pekna chu a lo putru tawh a ni. Inrinni-a kawngzawhte hian Trump-a’n investment a tihna te, donation a pek dan leh thil danga zawmpui a neihte chu an hriat ngei a ngai niin an sawi.