Mipuite tlawh theihin Eiffel Tower hawng leh ta

Hripui leng vanga hun rei tak khar a nih hnuin, France khawpui Paris-a hmun hmingthang, Eiffel Tower chu mipuite tlawh theih turin hawn a ni leh ta. 

Eiffel Tower hi hawn ni mah se khuahkhirhna erawh siam a la ni a, ṭumkhata tlawh theih zat bithliah siam anih bakah a tlawhtute chu hmai tuamna hmang vek tura tih an ni. He tower chhawng hnihna chunglam chu tlawh theih a la ni lo bawk. Mipui innek vel tur venna atan, July 1 thleng chu lift hman theih a ni dawn lo bawk a, a tlawh­tuten stair an hman a ngai dawn a ni.

Kum 1889-a sak zawh, tower hi khualzin hiptu ṭha tak niin, kumtinin tlawhtu mi maktaduai sarih vel an awm a, heng zinga hmun lia ṭhena hmun thum chu ram pawn lam mi an ni.