Myanmar sipaite'n Suu Kyi thubuai tanin-a ngaihtuah turin sawn

Myanmar sipai sorkar chuan hruaitu paihthlak tak, Aung San Suu Kyi-i laka thubuai a siamte chu coutrtoom-ah ni loin, tan-inah ngaihtuah turin a sawn a, a sawnna chhan erawh a sawilang lo.

Pathiannia kum 77 tling, Suu Kyi hi nikuma Myanmar sipaiten a thuneihna aṭanga an paihthlak hnuah thubuai 20 vel zet an siamsak tawh a, heng zingah hian eiruk thubuai ṭhahnem tak a tel a ni. Mahse Suu Kyi-i hian an puhnate hi a pha vek thung.

Suu Kyi-i pawh hi an khawpui, Naypyitaw-a an hrenna hmun aṭangin tan-inah hian sawn a ni tawh nia sawi a ni bawk.

Report chuan Suu Kyi-i thubuaite hi Naypyitaw-a tanina special court tharah ngaihtuah zui tura sawn a nih tur thu sawiin, building pawh hi peihfel a ni tawh tih a tarlang.

Suu Kyi-i thubuai hi midang hriatpawh theih lohin a ruka ngaihtuah a ni ṭhin a, state media lam chuan report tawite chauh a tichhuak thin. A lawyer-te pawh mipui hmaa thu an sawi khapsak an ni a, anni pawh hian Suu Kyi-i thubuai ngaihtuah niah chauh an hmu thei ṭhin.