US high level official-in Afghanistan tlawh

US-in ‘mother of all bomb’ tia sawi, GBU-43 bomb hmanga Afghanistan-a Islamic State (IS) firfiakte hmun a beih hnuah, US high-level official, national security adviser General HR McMaster chuan Pathianni khan Afghanistan a tlawh.

General McMaster hi US President atana Donald Trump lakluh a nih hnua US high level official zinga Afghanistan ram tlawh hmasa ber a ni. Pathianni khan Afghanistan President Ashraf Ghani, national security adviser Hanif Atmar leh official dangte a kawm a, firfiakte pawl beih leh dan turte an sawiho a ni.

GBU-43 bomb thlak vang hian IS firfiak 100 vel an thi a, civil mi zingah tuar an awm lo niin Afghanistan official-te chuan an sawi a, mahse hei hi finfiahna a la awm lo.